Rêveberiya Xweser a Herêma Bakur û Rojhilatê Sûriyê Akademiya Şehîd Ferhad Dêrik bi merasîmekê li Reqayê vekir.
Di akademiyê de dê xebatkarên deste û dezgehên Rêveberiya Xweser di aliyên siyasî, rêveberî, pîşeyî û protokolên fermî de bêne perwerdekirin.
Di salvegera duyemîn a şehadeta wî de, Rêveberiya Xweser a Herêma Bakur û Rojhilatê Sûriyê Akademiya Şehîd Ferhad Dêrik li Reqayê vekir.
Akademî bi beşdariya nûnerên Rêveberiya Xweser, partiyên siyasî, saziyên sivîl û malbata Şehîd hate vekirin.
Di akademiyê de dê xebatkarên deste û dezgehên Rêveberiya Xweser di aliyên siyasî, rêveberî, pîşeyî û protokolên fermî de bêne perwerdekirin.
Di rêûresma vekirina akademiyê de çendîn axaftin hatin kirin û behsa rola Şehîd Ferhad Dêrik ya di avakirina pergala Rêveberiya Xweser de hate kirin.
Di dawiyê de Koma Hîlala Zêrîn stran pêşkêş kirin û helbest li ser şehîd Ferhad hatin xwendin. Her wiha dayîka Şehîd deriyê akademiyê bi barandina rondikên serkeftinê vekir.
Akademî têra 60 kesî dike û 2 holên wê yên sereke jî hene.
