Ji bo piştevaniya şervanên QSD’ê û Encumena Leşkerî ya Minbicê, Partiya Sûriya Pêşerojê, îro li bajarê Minbicê çalakiyeke konvedanê li dar xist.
Bi sedan şêniyên Minbicê, rûspî, serokeşîr, nûnerên saziyên Rêveberiya Xweser û partiyên siyasî beşdarî çalakiyê bûn.
Di çalakiyê de berxwedana şervanên QSD’ê û Encumena Leşkerî ya Minbicê ya li dijî hêzên têkder û dewleta Tirk hate silavkirin.
Her wiha hate gotin ku dewleta Tirk a dagirker dixwaze projeya Rêveberiya Xweser û aramiya herêmê têk bibe.
Berpirsa Nivîsgeha Rêxistinî ya Partiya Sûriya Pêşerojê Asya Hisên dibêje, ti hêz nikarin hevgirtina gelê herêmê têk bibin.
