Bi hezaran şêniyên herêma Cizîrê tev li merasîma oxirkirina cenazeyên herdu şehîdan “Zeyneb û Bêrîtan” li Hesekê bûn û soza Şopandina rêya Şehîdan û parastina destkeftiyên wan dan..
Bi hezaran şêniyên herêma Cizîrê ji bo oxirkirina cenazeyên her du şehîdan; hevseroka Nivîsgeha Dad û Çaksaziyê ya herêma Cizîrê Zeyneb Mihemed û şehîd Nêrmîn Sîno (Bêrîtan Dêrsim), berê xwe dan Goristana Şehîd Dijwar yê Hesekê.
Di Merasîma Oxirkirinê de bi hezaran şêniyên bajêr, şervanên Hêzên Sûriya Demokratîk (QSD), Yekîneyên Parastina Gel (YPG) Yekîneyên Parastina Jin (YPJ), Rêveberiya Xweser û saziyên sivîl û leşkerî, beşdar bûn.
Di dawiya merasîmê de wesîqeyên şehadetê hatin xwendin û radestî malbatên şehîdan hatin kirin. Piştre cenazeyên her du şehîdan bi tilîliyên dayikan hatin oxirkirin.
