Li bajarê Reqayê duh, mamosta Nûra ya 25 salî û keça wê ya 8 salî, di mala xwe de li ser destê kesên nenas hatin kuştin.
Yekîtiya mamosteyan a Reqayê û kombûna jinên Zenûbyayê ev tawan şermezar kirin û bang li aliyên peywendîdar kirin ku kujeran bigrin û wan darizînin.
Duh li bajarê Reqayê mamosteya bi navê Nûra El- Ehmed ya 25 salî û keça wê ya 8 salî di mala xwe de kuştî hatin dîtin.
Heta niha kesên ew kuştine nenas in. hêzên ewlekariya hundirîn jî dest bi lêpirsîna li ser bûyerê kirine.
Yekîtiya mamosteyan a bajarê Reqayê bi daxuyaniyekê kuştina mamosta Nûra û Keça wê şermezar kirin.
Di daxuyaniyê de bûyer weke, tawaneke birêxistinkirî hate binavkirin û bang li aliyên peywendîdar hate kirin ku kujeran bigrin û wan darizînin.
kombûna jinên Zenûbyayê jî daxuyaniyek da û ev bûyer weke, tawaneke li dijî mirovahiyê bi nav kir.
Jinan êrîş şermezar kirin û gotin, mejî û wijdanên mirovan van kiryarên hovane ranakin.
Di beşekî din a daxuyaniyê de kombûnê ji aliyên peywendîdar xwest ku bi lez di vê dosyeyê de tevbigerin.
Li seranserî herêmên Bakur û Rojhilatê Sûriyê jî rêxistinên jinan tawan şermezar kirin û banga darizandina kujeran kirin.
