Meclisa Ciwanan ya MSDˊê kongreya xwe ya 3’yemîn li bajarê Reqayê li dar xist, Nadya Yûsif û Silêman Nebhan bûn hevserokên meclisê.
Kongreya 3’yemîn a Meclisa Ciwanên MSDˊê duh bi diruşmeya “Bi vîna ciwanan em ê guhertinê ava bikin û yekitiyê pêk bînin ….. Ji bo Sûriyeke pirreng û nenavendî” hate lidarxistin.
Di kongreyê de rêziknameya meclisê hat xwendin û rola ciwanan ya di qadên siyasî û civakî de hat nirxandin.
Her wiha plansaziya dema pêş hate danîn û kongre bi encamnameyekê bi dawî bû.
Di encamnameyê de hate gotin, ew ê têkoşîna xwe ya ji bo avakirina Sûriyeke pirreng û destûreke demokratîk bidomînin.
