Çalakvan û rêxistinên civaka sivîl ên Qamişlo ji bo piştgiriya qurbaniyên bûyerên dawîn ên li bajarê Siwêdayê, çalakiyek li dar xistin.
Beşdaran, dirûşmên “Em dengê qurbaniyan in” û “Xwîna sûrî li sûrî qedexe ye” berz kirin.
Çalakî bi beşdariya bi dehan çalakvanan li pêşiya çapxaneya Rênas a li kolana Amûdê hate lidarxistin.
Di çalakiyê de axaftin hatin kirin û komkujiyên li dijî civaka Durzî hatin şermezarkirin û banga hesabxwestinê hate kirin.
Her wiha tekezî li ser vejandina dîyaloga Sûrî- Sûrî hate kirin.
