Yekitiya Ragihandina Jin Bi boneya 4`emîn salvegera damezirandina xwe, li bajarê Qamişlo şahiyek li dar xist.
Di şahiyê de behsa giringiya xurtkirina xebatên ragihandina jin hate kirin.
Di dîroka çapemeniya azad de, jin xwedî rol û misyoneke mezin in û Çapemeniya Jin a Azad heta niha di oxira rastîyê de, gelek berdêlên giranbûha daye.
28`ê Hezîrana sala 2020’an xaleke nû li dîroka jina kurd zêde bû ku ew jî roja damezirandina Yekitiya Ragihandina Jin bû.
Bi boneya 4`emîn salvegera damezirandina Yekitiya Ragihandina Jin û bi amadebûna bi dehan rojnamevanên jin ên li Herêma Bakur û Rojhilatê Sûriyeyê li avahiya ragihandinê ya li bajarê Qamişlo şahiyek hat lidarxistin.
Endama Desteya Rêveber a YRJ Evîn Ibrahîm ji Rojava Tv re axivî û giringiya vê rojê li gel rojnemvanên jin nirxand.
Ji aliyê xwe ve rêvebera radyoya Star Fm Lîlav Hesen destnîşan kir ku keda jinên rojnemevan di van 4 salan de daye, cihê rêzê ye.
Bi armanca gihaştina dengê jinê û rastiya jina azadîxwaz ji tevahî cîhanê re YRJ hate avakirin.
YRJ di şopa rastîyê de, bûye dengê şoreşê û pêşengê avakirina Paradîgmaya Netewa Demokratîk.
