Bi sedan xelkên kantona cizîrê îro bi armanca daxwaza azadiya fîzîkî ya Rêber Abdullah Ocalan bi girseyî daketin qadan û gotin, ew ê her dem li pişta Rêber APO bin û bi mezinkirina têkoşînê rêbertî fîzîkî azad bikin.
Bi armanca bersivdayîna silava Rêber Abdullah Ocalan û daxwaza azadiya fîzîkî ya Rêber APO, xelkên kantona Cizîrê meşeke girseyî li bajarê Qamişlo li dar xistin.
Meş bi beşdarbûna bi sedan şêniyan li pêşiya dermanfiroşa Deham dest pê kir û li çarxereya El-Felahîn ya bajarê veghurî mîtingê.
Meşvanan dirûşmên “Bijî Serok Apo” berzkirin.
Mîting bi xuleyeke rêzgirtin destpêkir, piştre Hevseroka Tevgera Civaka Demokratîk TEV-DEM Remeziya Mihemed û Endamê Desteya Rûspiyên Bakur û Rojhilatê Sûriyê Heyal Xiweyir axivîn.
Meşvanan di mîtingê de silavên xwe ji Rêber Apo re şandin û , tekezkirin ku ew ê bi mezinkirina têkoşîna xwe Rêber Apo fîzîkî azad bikin.
Meşa girseyî ya li Qamişlo bi berzkirina dirûşmên silavkirina berxwedana Îmraliyê bi dawî bû.
