Xelkên bajarê Amûdê bi meşeke girseyî êrîşên dewleta Tirk a dagirker ên li dijî herêmê şermezar kirin.
Bi sedan şêniyên bajarê Amûdê, nûnerên saziyên Rêveberiya Xweser û partiyên siyasî li hev kom bûn û êrîşên dagirkeriyê şermezar kirin.
Di meşê de dirûşmeyên bimre dagirkerî û berxwedan jiyan e, hatin berzkirin.
Her wiha axaftin jî li ser navên Rêveberiya Xweser û Kongra Star hatin kirin û êrîşên Tirkiyê weke hewldana qirkirina gelên herêmê hate binavkirin.
Meşvanan piştarst kirin ku, heta dawiyê ew ê li pişta QSD’ê û Rêveberiya Xweser bin û bi hev re destkeftiyên şoreşê biparêzin.
Meş bi tekezî li ser mezinkirina asta têkoşîn û berxwedaniyê bi dawî bû.
