Bi sedan Şêniyên bajarê Qamişloyê, saziyên sivîl û leşkerî cenazeyê şervanê Hêzên Erka Xweparastinê şehîd Yamin El Caabî li goristana şehîd Delîl Saroxan oxir kir.
Şervanê Erka Xweparastinê Yamin El Caabî 11’ê Tebaxê di berxwedana li hember êrişên çeteyên DAIŞ’ê li bajarokê Kesrat ê rojhilatê Dêrazorê de şehîd bûbû.
Di merasîmê de endama Meclisa Malbatên Şehîdan Fatme El Casim axivî û got: “Em bejna xwe li ber giyanê şehîdên ditewînin. Şehîd Yamin, di berxwedana li hember êrişa tirsonak û xedar a DAIŞ’ê de şehîd bû.”
Her wiha apê şehîd Mihemed El Caabî jî axivî û got: “Em bi şehadeta Yamin hem xemgîn in hem serbilind in û Şehadet her tim xewna wî bû”.
Piştî xwendina wesîqeya şehadetê, girseyê cenazeyê şehîd di nava tilîliyên dayîkan de spart axê.
