Li Dêrazorê pira li ser çemê Firatê ku bi navê Pira Leşker tê naskirin û herdu aliyên bajêr bi hev ve girê dide ku di êrişan de hilweşiya bû, ji nû ve tê sererastkirin.
Rêveberiya Xweseriya Demokratîk a kantona Dêrezorê û Meclîsa Leşkerî ya Dêrezorê projeya sererastkirina pira leşkerî a ku her du aliyên çemê Firatê yên rojhilat û rojava bi hev ve girê dide, destpê kirin.
Fermandarê Meclîsa Leşkerî ya Dêrezorê Nûrî El Xelîl diyar kir ku ji bo pêşîgirtina derbasbûna şaneyên çeteyan û qaçaxçiyên madeyên hişbir, pira berê hatibû rûxandin.
El Xelîl got: “Em weke Meclîsa Leşkerî ya Dêrezorê û Rêveberiya Xweseriya Demokratîk a kantonê dest bi vê projeyê dikin ku derbasbûna şêniyan û tevgera bazirganî û çandiniyê hêsan bibe. ”
Li Dêrezorê 3 pirên li ser çemê Firatê hene ku rojavayê wê bi rojhilatê wê ve girê didin, ji ber şer hemû pir hatine hilweşandin.
