Li Kobanê jî bi hezaran xwendekar û mamoste bi boneya 15’ê Gulanê Cejna Zimanê Kurdî daketin qadan û peyama “Zimanê me xeta me ya sor e” dan.
Bi boneya 15’ê Gulanê Cejna Zimanê Kurdî, Komîteya Cejna Zimanê Kurdî ya Kobanê meşek di dirûşma “Zimanê me nasnameya me ye û nasname namire” li dar xist.
Meşê ji Qada Jina Azad a bajarê Kobanê dest pê kir û heta Qada Şehîd Egîd dewam kir. Li wir piştî deqeyeke rêzgirtinê hevserokê Zanîngeha Kobanê Şervan Muslim axivî.
Şervan Muslim bi boneya 15`ê Gulanê şehîd Viyan Amara û hemû cangoriyên azadiyê bi bîr anîn û diyar kir ku beriya şoreşa Rojava, mafê perwerdeya bi zimanê kurdî qedexe bû lê vaye zimanê kurdî di cîhanê de hatiye misogerkirin, divê di destûra Sûriyeyê de jî were misogerkirin.
