Şêniyên bajarê Kobanê bi merasîmeke girseyî û biheybet 6 şehîd YPG’ê li goristana Şehîd Dicle oxir kirin û şehîdek Hêzên Komandos jî bi bîr anî.Bi sedan şêniyên bajarê Kobanê, endamên saziyên Rêveberiya Xweser, partiyên siyasî û rêxistinên jinan beşdarî merasîmê bûn.
Di merasîmê de piştî deqeyek rêzgirtin, axaftin ji aliyê Meclisa Malbatên Şehîdan û Tevgera Civaka Demokratîk TEV DEM ve hate kirin.
Axêveran sersaxî ji malbatên şehîdan re xwest û diyar kirin ku ew ê bi saya şehîdan bi ser bikevin.
Piştî axaftinan, nasnameyên şehîdan hatin xwendin û radestî malbatên wan hatin kirin.
Cenazeyên 6 şehîdên YPG’ê bi tiliyan û dirûşmên “Şehîd namirin” hatin oxirkirin.
