Festîvala 2ʹyemîn a Şehîd Berçem Efrîn a hunerî ku 4 rojan li bajarê Kobanê dewam kir, bi xelatkirina komên beşdar bi dawî bû.
Festîvala Şehîd Berçem bi dirûşma “Bi tîrêjên rojê hunera jinan geş dibe” 6’ê îlonê hat destpêkirin û heta 9’ê îlonê dewam kir.
Di roja 4’an a festîvalê de danê nîvro bi hezaran welatî herikîn qada şehîd Egîd.
Hunermedn Munetellah Xemîs û Nisrîn Botan konsertek li dar xistin, li kêlek wê jî strand û dîlan ji hêla koma Şehîd Barîn, koma Şehîd Hêva, koma Şehîd Alaniya, koma Şehîd Delîla û koma Şehîd Nalîn ve hatin pêşkêşkirin.
Di sala 2022ʹyan de Festîvala 1ʹyemîn a Şehîd Berçem Efrîn li taxa Şêxmeqsûd a Helebê hat lidarxistin.
