Meclisa Kombûna Jinan a Zenûbiya ya Reqayê, li dijî tundiya li ser jinan û bi armanca pêşxistina têkoşîna li dijî tundiyê, kampanyayek da destpêkirin.
Kampanya bi sernavê “Bi rêxistinbûna jinan civak hevgirtî dibe” bi daxuyaniyekê hate destpêkirin.
Di daxuyaniyê de hate destnîşankirin, pêwîst e jin werin pêşxistin û piştgiriya wan were kirin.
Her wiha hate diyarkirin ku jinên rêxistinkirî û bi hêz dikarin bandoreke erênî di malbat û civakê de çêbikin.
Kampanya dê mehekê dirêj bike, di vê mehê de dê li bajarê Reqa û bajarokên girêdayî wê bi armanca gihandina hejmara herî zêde ya jinan, çalakiyên meydanî û civakî werin lidarxistin.
