Bi sedan koçberên Efrînî û xelkên Şehbayê bi merasîmeke girseyî cenazeyê Şehîd Sakîne Îsmaîl ya ku di êrîşa Tirkiyê de şehîd bibû, oxir kirin.
Sakîne Îsmaîl ku şeva 23’ê Cotmehê di êrîşa dewleta Tirk a dagirker de birîndar bibû, ji ber birînên xwe yên giran roja pêncşemê gihaşte asta şehadetê.
Îro bi sedan koçberên Efrînî û xelkên Şehbayê cenazeyê Şehîd Sakîne Îsmaîl oxir kirin.
Di merasîma oxirkirinê de axaftin hatin kirin û êrîşên Tirkiyê yên li dijî gelê herêmê hatin şermezarkirin.
Her wiha soza domandina rêya şehîdan hate dayîn.
Di dawiyê de wesîqeya şehadetê radestî malbatê hate kirin û cenaze bi dirûşmeyên Şehîd namirin, hate oxirkirin.
