JI BER QUTKIRINA AVÊ KOÇBERÊN EFRÎNÎ RASTÎ GELEK ZEHMETIYAN TÊN

Ligel dijwarbûna dorpêça Hikûmeta Şamê, ji destpêka îsal ve rêxistina UNICEF’ê jî av li ser kampên koçberên Efrînî qut kiriye.

Piştî dagirkirina Efrînê xelkên wê bi darê zorê koçber bûn û zêdetirî 150 hezar ji wan jî li nava 5 kampên koçberiyê yên li Şehbayê dijîn.

Ji sala 2018’an ve Hikûmeta Şamê herêm bi dijwarî dorpêç kiriye û rê bi derbasbûna pêdiviyên sereke yên jiyanê nade.

Her wiha ji serê salê ve û ta niha rêxistina UNICEF’ê jî av li ser her 5 kampên koçberan qut kiriye.

Qutkirina avê azarên koçberan duqattir kiriye û bûye sedema belavbûna nexweşiyan jî.

Koçberên Efrînî bi rêya Rojava TV bang li rêxistinê kirin ku li biryara xwe vegere û nebe hevkarê qirkirina gelê Kurd.