Di berdewamiya biryara efûyê ya ku Rêveberiya Xweser ji bo girtiyên ku destên wan bi xwînê qirêj nebûne derxistiye, Desteya Edaleta Civakî 141 kes ji girtîgehên Elaya û Dêrikê serbest berdan
Rûspî û malbatên girtiyan xebatên rêveberiyê silav kirin û pêngav bi rêzdarî pêşwaz kirin
Desteya Edaleta Civakî ya Rêveberiya Xweseriya Demokratîk di çarçoveya pêkanîna biryara efûyê ya ku Meclisa Gelan a Demokratîk derxistibû, beşa duyemîn ji girtiyên girtîgeha Elaya ya Qamişlo û Dêrikê ku 141 kes in, hatin berdan.
Bi dehan malbatên girtiyan, rûspî û şêxên herêmê li pêş girtîgeha Elaya kom bûn û xizmên xwe pêşwazî kirin.
Di proseya berdana girtiyan de endamê eşîra El teyî Ferhan Hesen daxuyaniyek bi beşdarbûna bi dehan ji rûspiyan xwend.
Koordînatorê meclisa rûspiyên Bakur û Rojhilatê Sûriyê Hember Hesen li ser biryara rêveberiyê hin hurgulî aşker kirin û jimara kesên ku ji efûyê sûd girtine, diyar kir.
Ji aliyê xwe ve Berdevkê Eşîra El- Şeitat Ebdil Basêt El-Elî spasiya Rêveberiya Xweser li ser vê gave kir û xwest ku rêveberî rewşa girtiyên din jî lêkolîn bike.
Rêveberiya Xweseriya Demokratîk a Herêma Bakur û Rojhilatê Sûriyê di 17’ê Tîrmeha 2024ˊan de biryara efûyê derxist, Ew biryar di civîna sê alî ya QSD, MSD û Rêveberiya Xweseriya Demokratîk de hat dayîn.
