Beşa çand û hunerê li kampa Berxwedan a kantona Şehbayê dewreyeke perwerdeyê ya taybet ji bo zarokên kampê destpê kir.
Tevî êş û azarên koçberiyê û dûrketina ji mal û warên xwe, şêniyên Efrînê yên li kampên Şehbayê bi cih bûne, bi berxwedan û sekna xwe hêviyê diafrînin.
Li kampa Berxwedan, beşa çand û hunerî dewreyeke perwerdeyê ji bo fêrkirina stranan bi zimanê kurdî bi taybet ji bo fêrbûna stranan bi navê ”kulîlkên kampa Berxwdan” ji zarokan re vekiriye.
Dewre di bin çavdêriya Hevserokê beşa çand û hunerê li kampa Berxwedan Ferhad Alûş de bi rêve diçe.
Ferhad Alûş got, ew Zarokên kampê li ser parastina resenî, çand û dîroka xwe û zêdekirina girêdana xwe bi Efrînê ve perwerde dikin.
