KONFERANSA 5’EMÎN A YEKÎTIYA REWŞENBÎRÊN HERÊMA CIZÎRÊ BIRÊVE DIÇE
ANAHÎTA SÎNO- HEVSEROKA YEKÎTIYA REWŞENBÎRAN A HERÊMA CIZÎRÊ
Yekîtiya Rewşenbîran a Herêma Cizîrê, îro 5’emîn konferansa xwe li bajarê Qamişlo li dar xist.
Di konferansê de nêzî 100 delege ji Yekîtiya Rewşenbîran, tevgera Civaka Demokratîk, Encumena Sûriya Demokratîk û şandeke rêveberiya xweser amade bûn.
di bin durişmeya Civaka Rewşenbîr destkeftiyan mayinde dike, Yekîtiya Rewşenbîran a Herêma Cizîrê konferansa xwe ya 5’emîn li dar xist.
Konferans li hola zanîngeha Rojava ya li Qamişlo bi amadebûna nêzî 100 delegeyên ji Yekîtiya Rewşenbîran, tevgera Civaka Demokratîk, Encumena Sûriya Demokratîk û şandeke ji Rêveberiya Xweser dest pê kir.
Hevseroka Yekîtiya Rewşenbîrên Herêma Cizîrê Enahîta Sîno axaftina destpêkê pêşkêş kir û bal kişande ser rola Rewşenbîran a di avakirina welatan de û bi taybetî di nava şoreşa rojava de.
Her wiha Hevserokê TEV-DEM Xerîb Hiso jî axivî û rewşa siyasî nirxand .
Piştî axaftinan, rapora kar û xebatên yekîtiyê yên di nava du salan de hate xwendin û rewşa rêxistinî jî hate nîqaşkirin.
Konferansa Yekîtiya Rewşenbîran a Herêma Cizîrê bi nîqaşên dewlemend berdewam dike û biryar e konferans bi encamnameyekê bi dawî bibe.