Meclîsa Sûriya Demokratîk MSD’ê îro 4′emîn Kongreya xwe bi beşdarbûna 400 delegeyan dest pê kir.
Kongre bi dirûşma “Yekitiya sûriyan bingeha çareseriya siyasî û mîsogeriya Sûriyeke demokratîk a pirreng a nenavendî ye” li xwaringeha Erd El Seîda ya Reqayê dest pê kir û dê rojekê dewam bike.
Ji Nûnerên MSD’ê yên li Sûriyê û derveyî welat 400 delege beşdar bûn.
Kongre bi gotina destpêkê ya Hevserokatiya MSD Emîne Umar û Riyad Derar dest pê kir.
Paşê axaftin ji aliyê Fermandarê Giştî yê QSD Mazlûm Ebdî, Hevserokê Meclîsa Cîbcîkar a Rêveberiya Xweser û Meclîsa Jin a Sûriyê ve hat kirin.
Di kongreyê de dê sazûmaniya MSD′ê, belgeya siyasî ya MSD′ê, nexşeya wê ya siyasî û rêzikname werin nîqaşkirin. Her wiha dê Meclisa giştî ya MSD′ê were avakirin û hevserokatiya nû were hilbijartin.
