Zanîngeha bajarê Kobanê îro ji bo 30 xwendekarên zanîngehê şahiyek derçûnê lidarxist.
Merasîma derçûnê li navenda çand û huner a Baqî Xido bi beşdariya girseyeke ji welatiyan hate lidarxistin.
Xwendekarên ku derçûn ji beşên ziman û wêjeya kurdî, zindînasîn, Bîrkarî, Fîzye û Kîmya bûn.
Di şahiya derçûnê de Fermandarê Giştî yê Hêzên Sûriyeya Demokratîk Mezlûm Ebdî bi riya onlaynê xwendekarên derçûyî silav kir û got ku Ew di wê baweriyê de ye ku xwendekarên derçûne dê di qonaxa pêşîn a dîroka gel de rolek sereke û girîng bilîzin.
Piştî axaftinan xwendekaran bawernameyên xwe ji aliyê Hevserokên Zanîngeha Kobanê ve wergirtin.
Di dawiya şahiya derçûnê de koma vejîn û Ararat a stranan, berhemên xwe pêşkêş kirin.
