bi nêzhatina Cejna Newrozê re êdî gelê kurd di amadekariyên pîrozkirina cejna xwe dikin.
Ji cilûbergên kurdî heta bi amadekirina qadên pîrozkirina newrozan û komên ku tabloyên hunerî li ser dikeyên newrozan tên pêşkêşkirin tên amadekirin.
Komên Navenda Mihemed Şêxo ya Çand û Hunerê jî ji bo pîrozkirina Cejna Newrozê ev demek e dest bi provayan dikin.
Koma Şehîd Welat a govendê jî yek ji wan komane ku bi armanca pêşxistina çand û filiklora kurdî û pêşkêşkirina wê di newrozê de, perwerdeyan dibîne.
Rêvebera Koma Şehîd Welat a Govendê sîdra şêxmûs ji Rojava TV re axivî û diyar kir ku ew ji temenê 14 salî ve di nava komê de ye û niha jî provayan dibînin.
rêveberê komîna govendê û mamosteyê govendê Îbo Hemê jî destnîşan kir ku hejmareke zêde ya ciwanan tevlî komê bûne û ewê bi govendên rengîn derkevin ser dikeyên Newrozê.
li seranserî herêmê û ji bo pêşxistina çanda kurdî komên govend, stran, şano û dîlanan di nava kar û xebatan de ye û newrozê jî ji bo xwe weke pêşbirka hunera kurdî dibînin ku bi riya wê hewil didin baştirîn berhem ji bo gelê xwe pêşkêşbikin.
