Êrîşa li dijî Dêra Mar Ilas ya li herêma Diwêla ya Şamê pêk hat fikarên kêmnetewên di Sûriyê de zêde kir.
Xiristiyanên bajarê Tirbespiyê êrîşa li dijî dêrê şermezar kirin û banga parastina tevahî pêkhateyên li sûriyê kirin.
Êrîşa ku di 22’ê Hezêranê li dijî Dêra Mar Ilas ya li Diwêla paytexta Şamê pêk hat û çekdarên bi navê “Ensar Seraya El Suna” girt ser xwe, fikarên kêmnetewên di Sûriyê de zêde kir.
Di wê êrîşa hovane de, zêdetrî 55 kes birîndar bû û 22 kes jî bûn qurbanî, ev komkujî rastî bertekên herêmî û navnetewî hat.
Endamê Yekîtiya Suriyan a bajarê Tirbespiyê Samwêl Enter bi riya Rojava Tv nameyek da û tê de banga parastina tevahî pêkhateyên li sûriyê kir.
Endamê Mecila Milî ya Xiristiyên Tirbespiyê Horo Ferec Marokî jî êrîşa li dijî dêrê şermezar kir û got ku hêviya wan wê her tim xurt bimîne.
piştî ketina rêjîma Bais hêviyên pêkhateyên Sûriyê ji bo Sûriyeke bi ewle û aram xurtir bû, piştî êrîşa çekdarên hikûmeta veguhêz a Sûriyê li dijî Elewiyên li perava Sûriyê di Adara 2025’an de metirsî li cem kêmnetewên sûriyê çêkir.
şareza û pispor jî van komkujiyan weke tevliheviyekê di navbera pêkhateyên sûriyê de binav dikin.
