Xelkên Kantona Cizîrê îro sersaxî ji malbatên 7 şehîdên azadiyê yên ku di êrîşên li dijî Bendava Tişrînê û çeteyên DAIŞ’ê de şehîd bûne, xwestin.
Beşdarên konê sersaxiyê bang li tevahî gelê Herêmê kirin ku piştgiriya QSD’ê bikin û gotin, îradeya me ji êrîşên dewleta tirk a dagirker mezintir e.
Meclisa malbatên şehîdan îro konê sersaxiyê yên şehîd Menîca, Bavê Teyar, Kêfo, Mizefer, Ekrem û Ebdulqadir yên ku di êrîşa li dijî Bendava Tişrînê de şehîd bibûn û şervanê QSD’ê Xebat yê ku li Dêrazorê di êrîşeke çeteyên DAIŞ’Ê de Şehîd bibû, li goristana şehîd Delîl saroxan hate vedan .
Bi sedan xelkên kantona cizîrê, nûnerên Rêveberiya Xweser, meclisa malbatên şehîdan, Kongra Star û PYD’ê sersaxî ji malbatên şehîdan re xwestin.
Di konê sersaxiyê de axaftin li ser navên Kongra star, PYD, meclisa malbatên şehîdan û TEV-ÇAND’ê hatin kirin û soza şopandina xeta şehîdan hate dayîn.
Beşdarên konê sersaxiyê bang li tevahî gelê Herêmê kirin ku piştgiriya QSD’ê bikin û gotin, îradeya me ji êrîşên dewleta tirk a dagirker mezintir e.
Her wiha beşdarên konê sersaxiyê dan zanîn ku ew ê şopgirê xeta şehîdên xwe bin heta pêkanîna armancên wan.
Piştre wesîqeyên şehîdan hatin xwendin û radestî malbatên wan hatin kirin û merasîma sersaxiyê bi berzkirina dirûşmeya me Kefenê Miribê Çirandiye bi dawî bû.
