Xelkên herêma Cizîrê ji bo ku xwînê bidin welatiyên di bombebarana dewleta Tirk a dagirker de birîndar bûne, şevê din li nexweşxaneyan bûn.
Di bombebarana balafirên şer ên dewleta Tirk a dagirker ku şevê din li ser gelek deverên herêma Cizîrê pêk hatin de gelek kes birîndar bûn.
Di êrîşan de navendek Hêzên Ewlekariya Hundirîn a li herêma Koçerat a Dêrikê kir hedef.
Li gorî daxuyaniya Hêzên Ewlekariya Hundirîn di êrîşan de şehîd û birîndar çêbûn.
Nexweşxaneyan bang kirin ku ji bo birîndaran xwîn were dayîn.
Li ser vê bangê bi dehan xelkên navçeya Girkê Legê, Amûdê, Çilaxa, Tirbespiyê û bajarê Qamişlo çûn nexweşxaneyan û xwîn dan.
