Herêma bakur û rojhilatê sûriyê bi mozayîka rengere tê naskirin, ew jî ji ber ku tevahî pêkhate bi hevre jiyan dikin.
Ne tenê jiyan li herêmê weke mozayîkekê ye, lê şêwekarên ku mozayîkê bi xwe jî çêdikin li herêmê hene.
Xalid zerûr ê 63 salî şêwekare û karê mozayîk û çêkirina fexaran de kar dike.
Xalid ji dêrazorê ye û 50 salin vî karî dike, ji ber ku ji 13 saliya xwe de dest bi karê şêwekariyê kiriye û tabloyan jî xêz dike.
Xalid ku ev 5 salin li bajarê Qamişlo jiyan dike, ji bermahiyên kargehan mîna kevir, seramîk û kelpîçan tabloyên hunerî, û perçeyên xemilandna mal û cihan çêdike.
Xalid zerûr tevî temenê xwe yê mezin rojane 15 demjimêran di dukana xwe ya li Qamişlo de kar dike û dibêje ku lêhûrbûneke zêde ji karê wî re pêwîste.
Xalid ê ku destpêkê şêwekarî behreya wî bû û behre ji xwe re kir pîşeyek ku têde pir zîrek bû, niha debara jiyana xwe û malbata xwe bi vê yekê dike û her hewil dide ku karekî baştir û balkêştir pêşkêş bike.
