11 roj in, Bajarê Kobanê di bin êrîşên giran û dorpêçeke sîstematîk de dimîne.
Tevî wê, Welatiyên Kobanê soza berxwedanê ya ku di sala 2014’an li hember DAIŞ’ê dabûn meşandin nû dikin.
Çeteyên Hikumeta Demkî, Dewleta Tirk a Dagirker û Şaneyên razayî yên DAIŞ’ê bi rengekî hovane êrîşî herêma Bakur û Rojhilatê Sûriyê kirin, her bajarekî ku derbasî dibûn, ji komkujî, dizîn û talaninyê bi dawî ne dibû.
Çeteyan berê xwe dan bajarê Kobanê jî û ev 11 roj in bajar di bin êrîşên giran û dorpêçeke sîstematîk de dimîne.
Welatiyên Kobanê soza berxwedanê a ku di 2014’an li hember DAIŞ’ê dabûn meşandin nû kirin û girêdana xwe bi axa Kobanê anîn ziman.
Hin welatî ji herêmên ku hatine dagirkirin, berê xwe dane Kobanê û li wir daxwaza seknandina şer û êrîşan dikin.
Bajarê Kobanê di sala 2014’an bi berxwedaniya xwe di cîhanê de deng veda û bû bingeha têkbirina Rêxistina DAIŞ’ê.
Niha jî bajarê berxwedanê ji aliyê heman rêxistinê lê navê xwe guhertiye di bin êrîş û dorpêçê de ye.
