Meclisa Jinan a PYD’ê bi dirûşma “Rola jinan di qonaxa Aştî û Civaka Demokratîk de” li taxa Eşrefiyê ya bajarê Helebê paneleke diyalogê li dar xist.
Di panelê de jinên serbixwe, rewşenbîr, aktîvîst, endamên partiyên siyasî, saziyên sivîl û Hêzên Ewlekariya Hundirîn – Jin amade bûn.
Panel li ser gelek xalên giring rawestiya, ji wan: Pirsgirêkên civakî û diyardeyên tundiyê yên li dijî jinan, banga “Aştî û Civaka Demokratîk” û rola jinan di pêşeroja Sûriyê de.
Jinan di dawiya panelê de tekezî li ser erkê jinan di avakirina civaka demokratîk de li gor perspektîvên Rêber Abdullah Ocalan kirin.
