Rojnameya Ronahî, yekem rojnameya Kurdî ye ku di di sala 2011’an de li Rojavayê Kurdistanê bi destpêkirina şoreşê re û di nava zextên rêjîma têkçûyî de dest bi weşana xwe kir.
yekem car jî Rojnameya Ronahî li taxa Şêxmeqsûd a bajarê Helebê dest bi weşana xwe kir.
îro vê rojnameyê 14 salên tijî tekoşîn û derxistina rastiyê li dû xwe hişt û di nava van 14 salan de karîbû bibe dengê pêkhateyên herêma Bakur û Rojhilatê Sûriyê.
Tevî zextên hikumeta Şamê di sala 2011’an de, li Rojavayê Kurdistanê yekemîn rojnameya Kurdî ya bi navê Ronahî, li taxa Şêxmeqsûd a bajarê Helebê dest bi weşanê kir.
Ta roja îro, Rojnameya Ronahî 14 sal ji têkoşîn û xebata netewî tijî kirin û di mejiyê her kurdekî Rojava de çanda welatperweriyê bi cî kir.
Têkildarî salvegera 14’an a damezirandina rojnameyê, Rêvebera Navenda Nûçeyan a Rojnameya Ronahî Bêrîvan Xelîl ji Rojava tv re axivî.
Bêrîvan Xelîl tekez kir ku tevî hemû şert û mercên di Sûriyê de, rojnameyê karê xwe berdewam kir û muhra xwe li dîroka rojamgeriya Kurdî da.
Ji aliyê xwe ve, Endamê Rêveberiya Rojnameya Ronahî “Ebdilrehman Mihemed” diyar kir ku rojnameya Ronahî her dem şopdarê rastiyê bû û dê li ser wê yekê bimîne.
Rojmaneya Ronahî ku yekemîn saziya ragihanda Kurdî di Rojavayê Kurdistanê de bû, di vegotina êş û azarên gelê herêmê ji raye giştî re bi ser ket. Her weha ji bo civaka Sûrî ragihand ku rojnameyek dikare bibe dengê heqîqetê.
