Rêveberiya Xweser ragihand ku ew ê rê li pêşiya welatiyên Sûrî yên li kampa Holê vekin ku bi awayekî dilxwazî vegerin warên xwe û bang li NY û civaka navneteweyî kir ku vegereke ewle ji koçberên Efrîn, Girê Spî û Serêkaniyê re peyda bikin.
Komîteya Kar û Barên Koçber û Penaberan a Rêveberiya Xweser derbarê de daxuyaniyek li kampa Holê da.
Di daxuyaniyê de rêveberiya xweser ragihand ku rê li pêşiya welatiyên Sûrî yên li kampa Holê vedikin, bi awayekî dilxwazî vegerin warên xwe.
Ev biryar di demeke berê de hatibû dayîn û di 5`ê Cotmeha 2020`an me biryar da ku rê li pêşiya vegera wan vekin.
Her wiha hate tekez kirin ku wê rêveberiya xweser hemû derfetan bidin û vegera malbatên ku dixwazin vegerin, bi awayekî ewle pêşkêş bikin.
Di daxuyaniyê de bang li rêxistinên navneteweyî yên pêwendîdar hate kirin û hate gotin: “Alîkariya welatiyên Sûrî ku ji ber şerê li welat koçberî herêmên Bakur û Rojhilatê Sûriyeyê bûne û niha di kampên El Erîşe, El Mehmûdlî, Tiwêhîniye û Ebû Xeşeb de bimînin, bike.
Her wiha bang li NY û civaka navneteweyî hate kirin ku vegereke ewle ji bo vegera koçberên ji Efrînê, Girê Spî û Serêkaniyê peyda bikin.
Rêveberiya Xweser di dawiyê de tekez kir ku “ ew ê erkên xwe yên mirovî û exlaqî yên têkildarî dosyaya koçber û penaberan didomînin.
