Rêveberiya Xweser a Kantona Firatê seferberiyeke giştî ragihand û bang li hemû şêniyan kir ku li her derê rabin ser pêyan, tev li seferberiya giştî bibin û li dora hêzên xwe yên leşkerî kom bibin.
Rêveberiya Xweser a Firatê di daxuyaniya xwe de got ku Komên çete yên girêdayî hikumeta demkî ya li Şamê li dijî herêmên Bakur û Rojhilatê Sûriyeyê şerekî berfireh pêk tîne.
Her wiha anî ziman ku êdî ne veşartî ye ku hikumeta li ser desthilatdariya li Şamê Sûriyeyê ber bi tunebûnê ve dibe.
Rêveberiya Xweser a Firatê got: “Em bang li hemû gelê xwe li her derê dikin ku serî hildin, tev li seferberiya giştî bibin û li dora hêzên xwe yên leşkerî kom bibin.”
Rêveberiya Xweser a Kantona Firatê di dawiyê de got: “Em bang li gelê xwe li seranserê Kurdistanê û hemû mirovahiyê dikin ku rabin û piştgiriyê bidin berxwedana gelê Rojava ku îro ji bo parastina hebûnê; şer dikin.”
