Şandeke rêveberiya Sivîl a Dêrazorê sersaxî da malbata Hemûd El Hemdan ku li ser destê nijadperestên Tirk hatibû qetilkirin.
Konê sersaxiyê li bajarokê dehla yê dêrazorê li ber mala wî hatibû danîn.
Şande ji hevserokatiya encumena cîbicîkar, hêzên ewlekariya hundirîn û meclisa herêma bakur ve pêk hat.
Şandeyê li bin konê sersaxiyê diyar kir ku qetilkirina hemûd yek ji rêzesûcên dagirkeriya tirk derheqê xelkên herêma bakur û rojhilatê sûriyê de ye û piştgiriya xwe jî bi malbatê re nîşan da.
Şandeya rêveberiya sivîl a dêrazorê bang li gelê herêmê yên ku penaber bûne kir ku vegerin welatê xwe û tekezî bi piştgiriya rêveberiya xweser ji tevahî gelê herêmê re kir.
Roja sêşema borî 3 nijadperestên tirk li herêma sêrîk a bajarê entaliya yê tirkiyê êrîşî hemûd el hemdan kirin û ew qetilkirin, doh jî cenazeyê hemûd li dêrazorê hate oxirkirin.
RÊVEBERIYA SIVÎL A DÊRAZORÊ SERSAXÎ DA MALBATA HEMÛD EL HEMDAN
