Desteya Çandinî û Sewaldariyê 15 rojin dest bi projeya çandina 40 hezar darên zeytûnan li Kantona Cizîrê kiriye.
derbarê projeyê û armancên wê Dijwar Mihemed Hevserokê Komîteya Çandinî û Sewaldariyê ya bajarê Qamişlo ji Rojava TV re hûrguliyan parve kirin.
Bi armanca bidestxistina rêbazê xwetêrkirin û xurtkirina warê çandiniyê li Bakur û Rojhilatê Sûriyê, Desteya Çandinî û Sewaldariyê dest bi projeya çandina 40 hezar darên zeytûnan li Kantona Cizîrê kiriye.
Têkldarî vê projeyê, Dr Dijwar Mihemed Hevserokê Komîteya Çandinî û Sewaldariyê ya bajarê Qamişlo ji Rojava TV re axivî û hûrguliyên wê parve kirin.
Dijwar Mihemed got dara zeytûnê pîroz e û dikarin gelek sûd jê wergirin.
Dijwar Mihemed da zanîn ku 40 hezar darên zeytûnan li ser 9 bajarên Kantona Cizîrê hatine belavkirin, ji wan jî nêzî 6 hezar li bajarê Qamişloyê hatine çandin.
Dijwar Mihemed di dawiya axaftina xwe de destnîşan kir ku Rêveberiya Xweser bi van projeyan hewl dide ku xwetêrkirinê ji herêma Bakur û Rojhilatê Sûriyê re peyda bike.
Proje nêzî 15 rojan hatiye destpêkirin û li gorî ku komîteya çandiniyê, proje gava yekem a çandiniyê bi awayekî erênî bi rê ve diçe.
