Desteya Perwerde û Fêrkirinê ya herêma cizîrê bi destpêkirina sala nû ya xwendinê re pêwîstiyên xwendinê li 6 hezar xwendekarên kampa serêkaniyê û Waşûkanî belav kir.
Îro li seranserî herêmên Bakur û Rojhilatê Sûriyê deriyên dibistanan li pêşiya xwendekaran hatin vekirin.
Di roja yekemîn a sala perwerdeyê ya 2022 û 2023ʹyan de Desteya Perwerde û Fêrkirinê ya Herêma Cizîrê pêwîstiyên xwendinê li xwendekarên kampên Serêkaniyê û Waşûkanî yên Hesekê belav kirin.
Pêwîstiyên ku hatine belavkirin ji pênûs, lênûs û rengan pêk hatin.
Tevî mercên zehmet û êrîşên dewleta Tirk a dagirker ên li dijî herêmê, lê proseya perwerdeyê dewam dike.
