Bi dirûşma “Nerîna Wê ji Azadiyê ye, Çîroka Wê ji Berxwedanê ye” 25`ê Gulanê Yekemîn Mîhrîcana Filman a Jinan a şehîd Nûjiyan li bajarê Qamişlo li dar ket.
Mîhrîcan ji hêla Kollektîfa Kezî ya Jinên Sînemager û bi piştgiriya Sîne Jin a Rojava, Tevgera Çanda Jinên Hîlala Zêrîn, sînemagerên jin ên li Ewropayê û bi alîkariya Desteya Çandê ya Kantona Cizîrê hatibû birêxistinkirin.
Mîhrîcan duh di roja 7’an de li Parka Azadî ya bajarê Qamişlo bi dawî bû.
Endama Komîteya Amadekar a Mîhrîcanê Dîrok Kartos behsa girîngiya mîhrîcanê kir.
Li gorî bernameya Mîhrîcana Fîlman a Jinan a şehîd Nûjiyan nêzî 40 fîlm, belgefîlm û kurtefîlmên cur becur hatin pêşandan.
Mîhrîcana Fîlman a Jinan a Nûjiyan yekem care ku li ser asta Rojavayê kurdistanê tê lidarxistin.
Li gorî Komîteya Amadekar mîhrîcan dê her sal li Rojava bi pêşandana film û kurtefilman were lidarxistin.
