Yekîtiya Şaredariyan a kantona Efrîn- Şehbayê ji bo şermezarkirina desteserkirina 3 şaredariyên Bakurê Kurdistanê meşeke girseyî li dar xist.
Koçberên Efrînî, xelkên Şehbayê, nûnerên saziyên Rêveberiya Xweser û xebatkarên şaredariyan tevlî meşê bûn.
Di meşê de pankarta bi rêgezên şerê gelê şoreşgerî em ê hemû tax û şaredariyan bikin qada têkoşînê, hate hildan.
Meşê ji gundê Kefer Qaris dest pê kir û heta bajarokê Ehdas dewam kir.
Li wir li ser navê yekîtiya şaredariyan axaftin hatin kirin û hate gotin, sekn û helwesta gel dê hemû polîtîkayên Tirkiyê têk bibe.
Di dawiyê de beşdaran tekez kirin ku, ew li pişta gelê Bakurê Kurdistanê ne.
LI ŞEHBAYÊ JI BO PIŞTGIRIYA GELÊ BAKUR MEŞEKE GIRSEYÎ HAT LIDARXISTIN
