Li bajarokê Hecînê yê rojhilatê Dêrazorê ji bo azadiya fîzîkî ya Rêber APO, konekî komkirina îmzeyan hatiye vedan.
Di roja yekemîn a çalakiyê de şênî, endamên tevgera ciwanên şoreşger, şêx û rûspiyên êlan îmzeyên xwe dan.
Berdevkê Meclisa Êlan a El Bû Kemalê Selah El Selman got: “Divê cîhan tevda û rêxistinên mafên mirovan destwerdanê bikin, tecrîdê bi dawî bikin û azadiya fîzîkî ya Rêber Abdullah Ocalan pêk bînin.”
Hevseorkê Meclisa Gel a bajarokê Hecînê Sair El Rebî jî got: “Îro hemleya komkirina îmzeyan li herêma Şerqiye dest pê kir. Ev tenê destpêk e û dê bi bidestxistina azadiya fîzîkî ya Rêber Abdullah Ocalan bi dawî bibe.”
Çaverê ye ku hemle heta 15 rojan li rojhilatê Dêrazorê berdewam bike.
LI ROJHILATÊ DÊRAZORÊ JI BO AZADIYA RÊBER APO ÎMZE TÊNE KOMKIRIN
