Bi armanca zengînkirina tevgera çandî, rêxistinên Civaka Demokratîk û Yekîtiya Rewşenbîran a kantona Reqayê, bi hemahengiya li gel Desteya Çandê ya kantonê, duyemîn Pêşangeha Pirtûkan a Reqayê bi dirûşmeya “Reqa ronahiya çand û afirandinê ye li dar xistin.
Di vekirina pêşangehê de endamên Yekîtiya Rewşenbîran, nûnerên Desteya Çand û Şûnwaran, rêxistinên civaka demokratîk, kesayetên serbixwe û hejmarek rewşenbîr û kesên ku bi karên çandî re eleqedar bûn, amade bûn.
Di vekirinê de axaftin li ser navê Konfederasyona Rêxistinên Civaka Demokratîk, desteya çand şûnwaran û Yekîtiya Rewşenbîran a Reqayê hate kirin û giringiya bajarê Reqayê di aliyê rewşenbîrî de hate nirxandin.
Di pêşangehê de bi sedan pirtûkên çandî, civakî, siyasî, roman û çîrok hene û dê sê rojan berdewam bike.
