Di bin dirûşmeya “Bazara Civakî ji bo pêşxistin û Geşepêdana Aborî” yekemîn konferansa Yekîtiya Esnafan a kantona Reqayê hat lidarxistin.
Di konferansê de, endam û rêveberên Yekîtiya Esnafan, nûnerên saziyên sivîl, tevger û rêxistinên jinan û saziyên leşkerî beşdar bûn.
Konferans bi xêrhatina mêvanan û danasîna girîngiya vê konfransê dest pê kir. Piştre şêwirmenda Rêxistinên Civaka Demokratîk “Zelal Ceger” rewşa siyasî û pirsgirêkên ku herêm pê re rû bi rû maye, şîrove kir.
Di dawiya konfransê de rêzikname hate xwendin û nîqaş kirin, herî dawî Mihemed Zi’êter û Newroz Bozan weke hevserokatiya Yekîtiya Esnafan hatin hilbijartin.
