Bi boneya 1’ê Mijdarê Roja Kobanê ya Cîhanê, Meclisa Gel a Bajarê Qamişlo li Stada Şehîdên 12’ê Adarê ya li bajêr çalakiyek li dar xist.
Bi dehan şêniyên Qamişlo û koçberên Şehba û Efrînê tev li çalakiyê bûn.
Di çalakiyê de bi zimanê erebî û kurdî hevserokên Meclisa Gel a Bajarê Qamişlo Ezedîn Gedo û Hêvî Ehmed daxuyaniyek xwendin.
Di daxuyaniyê de hate gotin ku berxwedana ku li Kobanê raber bû, berxwedaneke dîrokî bû. Ew li hemberî çeteyên herî tundraw pêk hat, û ew berxwedan bû kabûsek ji bo wan çeteyan.
Her wiha hate destnîşankirin ku ew li hemberî şehîdên ku bûn navnîşana berxwedan û qehremaniyê bêjna xwe ditewînin û soza şopandina rêya wan şehîdan didin.
Çalakî bi berzkirina sloganên “Bijî berxwedana Kobanê” û “Bijî Rêber Apo” bi dawî bû.
