Xelkê Qamişlo şehîd Zeyneb Tekoşîn, Lewend Qamişlo û Cebel oxir kirin û soza şopandina rêya şehîdan da.
Meclisa malbatên Şehîdan a Qamişloyê cenazeyên 2 şervanên Hêzên Komandos ên girêdayî QSD’ê şehîd Lewend Qamişlo û Cebel ên ku di 9’ê Çileya 2024’an li Minbicê de şehîd bûbûn, cenazeya şervana YPJ’ê şehîd Zeyneb Tekoşîn a ku di 8’ê Çileya 2024’an li Minbicê de şehîd bûbû, li Pakrewangeha Şehîd Delîl Saroxan defin kirin.
Merasîmê bi deqeyeke rêzgirtinê dest pê kir. Dûre Hevserokê Meclisa Malbatên Şehîdan a Qamişloyê Hisên Ebdurehman sersaxî da malbatên şehîdan û soza şopandina rêça şehîdan da.
Piştî axaftinan wesîqeyên şehîdan hatin xwendin û radestî malbatên wan hatin kirin.
Cenazeyê şehîdan di nava tilîliyên dayikan de spartin axê.
