Şêniyên bajarê Kobanê 2 şehîd bi merasîmeke bi heybet oxir kirin û 3 şehîd li goristana Şehîd Dîcle jî bi bîr anîn.
Şervanê YPG`ê Salih Doşka û şervanê Hêzên Komandos Birûsk ku di navbera 20-23’yê Çileya îsal di berxwedana li hemberî êrişên komên hikumeta demkî de li Sirînê şehîd bûn, hatin veşartin.
Her weha şervanên YPJ’ê Arîn Mîrkan û Rûken Botan û şervanê YPG`ê Egîd Amanos, yên ku di navbera 17-21’ê Çileyê li Reqa û Dêrhafirê şehîd bibûn, hatin bi bîr anîn.
Di merasîmê de piştî deqeyek rêzgirtin, axaftin ji aliyê Meclisa Malbatên Şehîdan û Meclisa Leşkerî ya bajarê Kobanê ve hatin kirin.
Axêveran sersaxî ji malbatên şehîdan re xwestin û soza şopandina riya wan dan.
Piştî axaftinan, nasnameyên şehîdan hatin xwendin û radestî malbatên wan hatin kirin.
Cenazeyê şehîd Salih Doşka û Birûsk bi tiliyên dayikan spartin axê.
