Hevseroka Rêxistina Mafên Mirovan a Efrîn-Sûriyê Zeyneb Silêman derbarê sûc û kiryarên çeteyên dewleta Tirk a dagirker ên li Efrînê de, anî ziman ku, li Efrîna dagirkirî beriya ku mewsim dest pêbike çete diziyê dikin û bacan li welatiyan ferz dikin.
Ji destpêka ku bajarê Efrînê ji aliyê dewleta tirk a dagirker û çeteyên wê ve hatiye dagirkirin, welatiyên ku li Efrînê mane rojane rastî hemû cureyên binpêkirinan tên.
Li gel destdirêjiyên li jin û zarokan, revandina welatiyan, xwezaya Efrînê tê talankirin û demografiya herêmê tê guhertin.
Her wiha malbatên resen bi darê zorê tên koçberkirin û malbatên çeteyan li şûna wan tên bicihkirin.
Hevseroka Rêxistina Mafên Mirovan a Efrîn-Sûriyê Zeyneb Silêman ji Rojava Tv re behsa sûc û kiryarên ku li efrînê pêk tên kir
Her wiha Zeyneb Silêman di nav nirxandinên xwe de da zanîn ku, li Efrînê beriya ku mewsima zeytûnan dest pêbike çete diziyê dikin û bacan li welatiyan ferz dikin.
Çeteyên dewleta Tirk a dagirker li Efrîna dagirkirî rojane welatiyan direvîne, li hember serbestberdanan welatiyan bacên giran li malbatan ferz dike.
