Komîteya Aborî ya Kombûna Jinên Zenûbyayê bi daxuyaniyekê êrîşên dewleta Tirk a dagirker ên li dijî binesaziya herêmê bi tundî şermezar kir.
Komîteyê got, dewleta Tirk sivîlên herêmê û çavkaniyên jiyanê hedef digre û ev yek weke sûcekî dijî mafên mirovan bi nav kir.
Her wiha da zanîn ku, dê ev êrîşên Tirkiyê bandorên neyînî bi xwe re bînin û eger êrîş weha berdewam bikin, dê bibin sedema rûdana karesatên dijî mirovî.
Di beşekî din de diyar kir ku, armanca dewleta Tirk a dagirker têkbirina aramiya herêmê û destkeftiyên gelê Kurd e.
Di dawiyê de Komîteya Aborî ya Kombûna Jinên Zenûbyayê bang li civaka navdewletî kir ku, erkên xwe pêk bîne û tekez kir ku, ew ê heta henaseya dawiyê li dijî êrîşan li ber xwe bidin.
