Kombenda Efrîn a Civakî îro bi şahiyekê 30 xwendekarên Efrînî yên ku ji Zanîngeha Rojava derçûn li bajarê Qamişlo xelat kir.
Şahî li hola Nubela a li bajêr bi beşdariya şandeyek ji Hemahengiya Zanîngehan li Bakur û Rojhilatê Sûriyê, Tevgera Civaka Demokratîk TEv-DEM û hejmarek ji Efrîniyên li Qamişlo li dar ket.
Di şahiyê de 30 xwendekarên beşa Wêjeya Kurdî, Paymengeha Bilind a Raghandinê, Mîkatronîk û Werger hatin xelatkirin.
Di merasîma şahiyê de li ser navê Kombenda Efrîn a Civakî Ibrahîm Heftaro axivî , xwendkarên derçû pîroz kir û diyar kir ku, bi zanînê ew ê Efrînê ji dagirkeriyê rizgar bikin.
Piştî axaftinan Xwendekar û Komîteya Amadekar a şahiyê hatin xelatkirin.
şahî bi pêşandana şanoyekê, gotina stranan bi dawî bû.
