Bi hezaran koçberên Efrînê û xelkên Şehbayê tevî êrîşên dagirkeriyê daketin qadan û êrîşa hovane ya li dijî bajarê Til Rifat û tevahî herêma Bakur û Rojhilat Sûriyê şermezar kirin.
Xwepêşandan li ser rêya nêzî gundê Kefir Garis dest pê kir û li ber navenda Desteya Rêveberiya xwecihî veguherî mîtîngê.
Di mîtîngê de deqeyeke rêzgirtin ji bo giyanê şehîdan hat girtin, piştre li ser navê rêveberiya Kantona Efrîn û Şehbayê axaftin hate kirin û tê de tekezî li ser bilindkirina berxwedanê hat kirin.
Xwepêşandan bi berzkirina dirûşmên “Bijî berxwedana Til Rifet”, “Na ji xiyanetê re ”, “Na ji kuştina sivîlan re” bi dawî bû.
