Koçberên Efrîn û Şahbayê yên ku li herêma Firatê dimînin, bi boneya salvegera yekem a koçberiya wan ji herêma Şahbayê, daxuyaniyek dan û daxwaza xwe ya vegera ewle bo malên xwe dubare kirin.
Daxuyanî li Qada Şehîd Egîd a li Kobanê hat dayin û tê de hejmarek ji Koçberên Efrîn û Şahbayê, endamên saziyan û çalakvan amade bûn.
Koçberan di daxuyaniyê de tekez kirin ku kiryarên desteserkirina milk û revandina berdewam, armanc jê ew e ku welatiyên resen li ser axaxwe nemînin û kesên ku li derveyî Efrîn û Şahbayê dimînin venegerin.
Daxuyaniyê li ser çend xalan tekez kir, di nav wan de: Vegera ewle û bi rûmet a xelkê Efrîn û Şahbayê bo malên wan û Pênasekirina dewleta Tirk wekî hêzek dagirker li gorî qanûnên navneteweyî.
