Li Qamişlo, Hesekê, Çilaxa, Tirbesiyê, Reqa û kampa Koçberên Serêkaniyê, ji ber barana dijwar, av derbasî malan bû û zerarek mezin li sektora çandiniyê hat
Li herêma Cizîrê ji duh ve baraneka dijwar dibare. Di encamê de av li kolanan kom bûye û kanalîzasyonên herikîna avê hatine girtin.
Li bajarê Qamişloyê, bi taybetî li taxên Cûdî û Cemayê avê daye ser gelek malan.
Li bajarên Hesekê, Tirbespiyê û Çilaxa jî, ava baranê li kolanan kom bû û ket nav hin malan. Her wiha tevgera şêniyan asteng kir.
Li kampên Serêkaniyê û Waşûkanî yên Koçberên Serêkaniyê, ji ber heman sedemê piraniya konên koçberan di bin avê de mane. Bi dehan kon hilweşiyane û kelûpelên tê de di avê de mane.
Li aliyekî din Rewangeha Sûrî ya Mafên Mirovan ragihand ku li gundê El Bû Hemdan ê rojhilatê Reqayê ji ber bahoza baranê, banê xaniyekî hilweşiya û 4 kesan jiyana xwe ji dest dane.
