Şêniyên taxên Şêxmeqsûd û Eşrefiyê yên Helebê ji ber dorpêça hêzên hikumeta veguhêz a li ser herdu taxan û kêmbûna mazotê rastî zehmetiyan tên.
Hevserokê komîteya Sotemeniyê ya taxên Şêxmeqsûd û Eşrefiyê yên Helebê Mihemed Îbiş derbarê mijdarê de axivî û diyar kir ku çekdarên hikumeta Veguhêz ji bo îradeya xelkên Şêxmeqsûd û Eşrefiyê bişkînin, dorpêçê zêde dike.
Hêzên hikumeta veguhêz a Sûriyeyê dorpêça li ser taxên Şêxmeqsûd û Eşrefiyê yên Helebê didomîne.
Nexasim qedexekirina derbaskirina mazotê ji bo herdu taxan ku piraniya şêniyên wê qumaş wekî alternatîfa mazotê dişewitînin û xwe bi betanî û tava rojê germ dikin.
Derbarê mijarê de Hevserokê komîteya Sotemeniyê ya taxên Şêxmeqsûd û Eşrefiyê yên Helebê Mihemed Îbiş ji Rojava Tv re nirxandin kir.
Mihemed Îbiş diyar kir ku çekdarên hikumeta Veguhêz ji bo îradeya xelkên Şêxmeqsûd û Eşrefiyê bişkînin, dorpêçê zêde dike.
Li aliyekî din Mihemed Îbiş tekez kir ku ev dorpêç jiyana li herdu taxan sekinandiye.
Heta niha 7 hezar û 500 malbatan para xwe ya mazotê wergirt lê belê ji ber qedexekirina derbaskirina mazotê ji bo herdu taxan ji aliyê hêzên hikumeta veguhêz ve, 42 hezar û 500 malbat ji mazotê bêpar man.
